Link açıqlığı

Saatnıñ esas haberi

Qırımda Rusiye akimiyeti qırımtatar halqı «vekilleriniñ toplaşuvını» keçirmege istey – Çubarov


Refat Çubarov
Refat Çubarov

Qırımda Rusiye kontrolindeki akimiyet FSBniñ yardımınen aprelniñ 30-nda qırımtatarlarnıñ «vekiller toplaşuvını» ötkermege istey. Bu aqta Qırımtatar Milliy Meclisiniñ reisi Refat Çubarov Facebook saifesinde bildirdi.

Onıñ aytqanına köre, bu toplaşuv içün Rusiye akimiyeti Qırım müendislik pedagogika universitetiniñ studentlerini, bücet teşkilâtlarınıñ hadimlerini ve ocalarnı celp etmege istey.

«Rusiye Federatsiyasınıñ FSBsi qoyğan yekâne maqsat qırımtatarlarnıñ «Putin siyasetine ve Ukrainağa qarşı mahsus arbiy operatsiyaga» qoltutqanını taqlit etmektir. Bugün ötkerilgen «toplaşuvnen» RF mahsus hızmetleri daa bir kere, amma kene muvafaqiyetsiz bir şekilde dünyanı aldatmağa tırışacaq, qırımtatarlar işğalci memleketniñ siyasetine ve prezidenti Putinge qoltuta dep kösterecek ola», – dep yazdı Çubarov.

Ukrayinağa qarşı Rusiye silâlı ücümi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.

Aprelniñ başında Moskva Ukrayina şimalinde faal olğanını toqtattı, dep bildirdi. Tezden Ukrayina akimiyeti Kıyiv, Çerniğiv ve Sumı vilâyetinde Rusiye arbiyleri qalmadı, dep ayttı.

Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.

Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2ud65mnh9spru.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG