Cedvelge yırcı Jamala, Ukrayina sabıq baş naziri, Qırım Muhtar Cumhuriyetiniñ sabıq iqtisadiyat naziri Arseniy Yatsenük, Ukrayina Yuqarı Radasınıñ sabıq deputatı Lidiya Kotelâk, iş adamı Vadim Vaysapırnıñ qorantaları kirdi. Em de cedvelge ukrayin siyasetçisi, Ukrayina Yuqarı Radasınıñ sabıq deputatı Vitaliy Xomutınik ve "Zelenskıynıñ Livadiyadaki diger ukrayinalı qomşularınıñ mal-mülkü" kirsetildi, dep bildirdi Konstantinov.
Rusiye akimiyeti diger uquqiy şahıslarnıñ, şu cümleden "Yalta kinostudiyası", "Bristol" Yalta Oteli" massiviniñ, "Platinum bank", "Kyivgorstroy" Holding şirketiniñ, Aluştadaki delfinterapiya, reabilitatsiya ve raatlıq Merkeziniñ mülkiyetini de milliyleştirmek niyetindedir.
Daa evel Qırımnıñ Rusiye akimiyeti Qırımda Ukrayina vatandaşlarınıñ "milliyleştirilgen" mülkiyetiniñ satıluvından 1,7 milliard rusiye rublesi elde etkenini iddia etken edi.
2023 senesi dekabrniñ 29-nda Qırımnıñ Rusiye parlamenti yolbaşçısı Vladimir Konstantinov Qırımda Ukrayina vatandaşlarınıñ 2600 areketli ve taşınmaz mülkiyetiniñ milliyleştirilüvi aqqında bildirdi. Hususan, bu cedvelge iş adamı İgor Kolomoyskiyniñ aktivleri, Qırımtatar Milliy Meclisiniñ binası ve Ukrayina prezidentiniñ ömür arqadaşı Olena Zelenskanıñ dairesi kirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
