Qırımdaki Rusiye akimiyetine Devlet Dumasına saylavlarğa qadar Ukrayina ile cenkte iştirak etmek içün 300 kişi seferber etmege vazife qoyulğan. Bunı Qırım.Aqiqatqa Qırımtatar resurs merkeziniñ yolbaşçısı Eskender Bariyev bildirdi.
Onıñ sözlerine köre, Qırımnıñ biñ sakini Rusiye ordusınıñ muntazam sıralarına ve daa eki biñ hususiy arbiy şirketler sıralarına seferber etmek planlaştırıla.
Bundan ğayrı Bariyevniñ sözlerine köre, celpnamelerni bazarlarda ve slavân olmağanlarğa bere ekenler.
Keçende Ukrayina Prezidentiniñ Qırım MC daimiy temsilciligi Rusiye akimiyeti işğal etilgen Qırımda yañı bir seferberlik dalğasını azırlay, dep bildirgen edi.
Temsilcilikte, Rusiye 30 biñ insannı seferber etmege ve daa 10 biñ insannı arbiy hımet içün askerlikke çağırmağa planlaştırğanını sayalar.
Ukrayina Mudafaa nazirliginiñ Baş istihbarat idaresiniñ yolbaşçısı Kırılo Budanov Qırım.Aqiqatqa intervyü berir eken Rusiyede seferberlik bitmegenini bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
