Rusiye Devlet komitetiniñ suv hocalığı ve melioratsiya komitetiniñ reberiniñ mesleatçısı Roman Zaharov Rusiye mediasına al-azırda suv anbarlarından 250 metr kubdan çoq suv olğanını bildirdi.
Evel yerli sakinler Qırım.Aqiqatqa Qarasuvbazar suv anbarından suv kettikçe azlaşqanı aqqında bildirgen ediler. Sebep avgust ayındaki sıcaqlıqtır ve Kahovka suv elektrik stantsiyasınıñ yoq etilmesinde soñ suvsız qalğan Şimal-Qırım kanalını toldurmaq içün suv anbarından Büyük-Qarasu özenine suvnıñ aqtarılmasıdır.
İyünniñ 6-nda saba Rusiye Herson vilâyetinde Kahovka suv elektrik stantsiyasını patlattı, dep bildirdi Ukrayina arbiyleri.
Rusiye tayin etken Qırım yolbaşçısı Sergey Aksönov Qırımnıñ iç ihtiyacları içün yeterli qadar suv olğanını ayta.Aynı zamanda onıñ sözlerine köre, Şimal Qırım kanalında suvnıñ seviyesi kettikçe eksile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
