"Ukrayinağa qarşı energetik qamaçavı davasınıñ esas azırlığı yekünlendi, onıñ iddia qısmı şekillendi", - dep bildire Konstantinovnıñ aytqanlarını Rusiye kütleviy haber vastaları.
Onıñ aytqanına köre, "şimdilik iş gruppası bir sıra soñki tafsilâtnı belgiley ve bu aynıñ soñunda dava mahkemege yollanılacaq".
2015 senesi noyabrniñ 22-ne keçken gecesi Hersonnıñ Çaplınka qasabası civarında patlavlar oldı. Qırım qamaçavı boyunca vatandaşlıq aktsiyasınıñ ştabında o vaqıt bildirdiler ki, "Qırımğa elektrik energiyasını ketirgen elektrik ağları tüşti ve tiklenilmey".
Aynı vaqıtta Qırımda yarımadağa esas Ukrayinadan kelgen elektrik energiyası söndürildi. Qırım Fevqulâde vaziyetler nazirligi fevqulâde vaziyet rejimi ilân etilgenini bildirdi. Mobil bağ, kommunikatsiyalar, suv teminatı ile problemler peyda oldı, yaqıt stantsiyalarında nevbetler peyda oldı. O vaqıt Rusiye Energetika nazirligi Qırımda 1 641 000 insan elektriksiz qalğanını bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
