Aqyarnıñ Rusiye yolbaşçısı Mihail Razvojayev avgustnıñ 22-nde aqşam şeerde şiddetli patlavnı "avadan ücümlerge qarşı mudafaa sistemasınıñ çalışması" kibi añlattı.
"Saat 18:15 Vernesadovoye yaqınlarında avadan ücümlerge qarşı mudafaa sistemasınıñ işledi. Bir obyekt urıp tüşürildi. O pek yüksek edi, bu sebepten patlav sesi şeerniñ çeşit köşelerinde eşitildi. İlk malümatqa köre, kene pilotsız uçaq edi", - dep yazdı Razvojayev.
Mustaqil menbalardan Razvojayevniñ sözleriniñ tasdıqı yoq.
Aqyarda avgustnıñ 22-nde kene patlav sesleri eşitilgen. Bunı yerli telegram kanalları ve "VKontakte" içtimaiy ağınıñ qullanıcıları haber etti.
Evel, Aqyarda sığınaqlarnı teşkermege başlağanları haber etildi.
Soñki afta içinde Qırımda birden bir qaç arbiy obyektte patlavlar yüz berdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
