Rusiye tarafından işğal etilgen Aqyarnıñ sakini ekstremizmge çağıruvlar sebebinden bir yıllıq apis cezasını aldı. Bu aqta Rusiye FSB-siniñ Qırım idaresinde bildirdiler.
Müessiseniñ malümatına köre, 30 yaşındaki erkek Telegramda "milliy sebeplerden zorbalıq areketlerine" çağırğan ve Ukrayina Silâlı quvetleriniñ areketlerine qol tutqan.
FSB, ekspertiza neticesinde, mektüplerde cinayetniñ til alâmetleri bar olğanını tasdıqladı, dep bildirdi. Erkekke qarşı cinaiy dava açıldı. Rusiye Federatsiyası Ceza kodeksiniñ 280 maddesi "İnternetni qullanıp ekstremist faaliyetke çağıruvlar".
Mahküm etilgen qabaatını tanıdı ve tahqiqatnen işbirlik tuttı.
Qırımdaki Rusiye mahkemesi oña bir yıllıq mecburiy işlerni ve aylıqınıñ yüzde 10-ı deflet faydasına kesilmesini tayin etti. Daa bir buçuq yıl devamında saytlar ve er angi internet-resurslarnı idare etmekni yasaq etti. Bundan da ğayrı, qanunnı bozmaq içün qullanılğan telefon tutıp alındı. Mahkeme qararı işke daa tüşürilmedi.