«Bu kampaniya deñişmesiz keçe: 18 yaşından 27 yaşına qadar. Vatandaşlar askerlikke aluv komissiyalarınıñ toplaşuvlarına çağırılacaq», – dep ayttı Rusiye qurğan Qırımnıñ arbiy komissariatınıñ vatandaşlarnı arbiy hızmetke azırlav ve aluv bölüginiñ yolbaşçısı Sergey Davidenko.
Qayd etilgenine köre, oktâbrniñ 1-nden başlap Qırımda Rusiye akimiyeti 25 «askerlikke aluv komissiyasını» qurdı, olarnıñ işi dekabrniñ 31-ne qadar devam etecek.
Qırımnıñ Rusiye işğaliniñ doquz yılı devamında yarımadada 17 qanunsız askerlikke aluv kampaniyasını keçirdi. İşğalci orduğa soñki sefer 2023 senesi oktâbrniñ 1-nde alıp başladılar. Aprelniñ 11-nde Rusiye Federatsiyasınıñ Devlet duması arbiylerniñ cedveli aqqında qanun leyhasını üç oquvda qabul etti. O, işğal etilgen topraqlarda askerlikke alına bilgen ealiniñ kontrolini quvetleştire, işğalci orduğa qanunsız aluvğa oğramamağa imkân bermey.
Qırım aq qorçalayıcı gruppasınıñ esabatına köre, işğal etilgen Qırımda Rusiye mahkemelerine berilgen Rusiye Federatsiyasınıñ Silâlı quvetlerinde askerlikten «vazgeçüv» sebebinden eñ az 468 cinaiy dava açıldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
