Rusiye ordusı Hersonğa toplardan ateş açtı, dep bildirdi Herson vilâyetiniñ arbiy memuriyet yolbaşçısı Oleksandr Prokudin dekabrniñ 18-nde.
Mesken kvartallardan birinde bir şahsiy müessise ateşke oğradı.
«Ne yazıq ki, iş yerinde olğan 40 yaşında qaravul öldürgen yaralar aldı», – dep ayttı Prokudin.
Herson şeeri arbiy memuriyetiniñ yolbaşçısı Roman Mroçkonıñ malümatına köre, Rusiye ordusı Hersonnıñ Dnipro rayonına ateş açtı.
Rusiye ordusı aman-aman er kün Herson vilâyetiniñ işğalden azat etilgen qısmına ve vilâyet merkezine ateş ete. Delil ve şaatlıqlarğa baqmadan, Moskva büyük istilâ başlağanından vatandaş şahıslarına qarşı ücümni inkâr etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
