Arbiylerniñ malümatına köre, dronlar Rusiyeniñ Primorsk-Ahtarsk şeerinden ve işğal etilgen Qırımda Çauda burnundan çıqtı.
Rusiye işğal etilgen Donbastan S-300 zenit raketasını, Qara deñizden ise X-31P ve ki X-22 qanatlı raketasını qullandı.
«Ava mudafaası Odesa, Mıkolayıv, Poltava, Dnipropetrovsk, Harkiv vilâyetlerinde 23 darbe uçucısızını yoq etti», – dep bildirdi komandanlıq.
Cenüpniñ mudafaa quvetleri X-31P ve X-22 raketaları avada uruş imkânlarından marum qaldı, dep bildirdi.
Rusiye kamikadze dronları Dnipro ve Odesada zarar ketirdi. Dniproda sekiz insan yaralandı, Odesada üç kişi elâk oldı.
Rusiye arbiyleri çeşit silâlardan – dron, raketalar, RSZO - Ukrayina regionlarına muntazam surette ücüm ete. Yanvar ayında Rusiye ücümlerini quvetleştirdi, neticede onlarnen insan elâk oldı, yüzlernen insan yaralandı.
Moskva, isbat ve şaatlıqlarğa baqmadan, tam cenk başlağanından berli Ukrayinada vatandaşlarğa ateş açılğanını red ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
