Ukraina Silâlı quvetleriniñ Baş ştabı martnıñ 19-ı sabasına qadar Rusiye ordusında vefat etkenlerniñ tahminiy raqamını aydınlattı, Rusiye ücüminiñ 24-ünci kününde:
- qararnen 14,4 biñ arbiy,
- 466 tank,
- 1470 zırhlı maşina,
- 213 top sisteması,
- 72 reaktiv top ateş sisteması,
- 44 ava mudafaa vastası,
- 95 uçaq,
- 115 vertolet,
- 914 maşina,
- 3 gemi,
- 60 yanıcı-yağlayıcı tsisterna,
- 17 uçucısız uçuş cihazı,
- 11 mahsus tehnika.
- Ukraina Silâlı quvetleriniñ Baş ştabı «cenk areketleri pek çoq olğanı içün saymağa qıyın ola», dep bildirdi.
The New York Times neşiri bildirgenine köre, Amerika istihbaratınıñ esaplarına köre, Rusiye Ukrainağa ücüm etkeninden berli 7 biñden çoq Rusiye arbiyi elâk oldı. Bu 20 yıl devamında Iraq ve Afğanistanda öldürilgen Amerika askerleriniñ sayısından daa çoq.
Rusiye daa az arbiyi ölgenini ayta. Rusiye Mudafaa nazirligi Rusiye ordusından vefat etkenlernen bağlı malümatnı tek bir kere, martnıñ 2-nde, seslendirdi. Müessise malümatına köre, Ukrainada 498 Rusiye arbiyi elâk oldı, daa 1597 kişi yaralandı.
Rusiye Mudafaa nazirligi Rusiye ordusından vefat etkenlernen bağlı malümatnı tek bir kere, martnıñ 2-nde, seslendirdi. Müessise malümatına köre, Ukrainada 498 Rusiye arbiyi elâk oldı, daa 1597 kişi yaralandı. O vaqıttan berli ölgen ya da esir alınğanlar aqqında malümat olmadı.
Rusiye Federatsiyasınıñ ğayıplarını tasdıqlaycaq mustaqil bir menba şimdilik yoq.
Ukrainağa qarşı Rusiye silâlı ücümi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.
Mesken rayonlarğa top, çoqlu ateş sistemaları ve ballistik raketalar vastasınen ateş açıla. Rusiye ordusınıñ zırhlı tehnikası Kyiv ve Rusiye sıñırına yaqın bir qaç vilâyet merkezini sarıp almağa tırışa.
Rusiye Ukrainağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: rukrymr.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
