Link açıqlığı

Saatnıñ esas haberi

Rusiye, 115 ukrainalını siyasiy sebeplerden taqip ete – Denisova


Lüdmila Denisova

Ukraina Yuqarı Radasınıñ insan aqları vekâletlisi Lüdmila Denisova, Rusiye «115 ukrainalını yalan ve siyasiy sebeplerge esaslanğan qabaatlar boyunca qanunsız şekilde taqip ete», dep bildirdi. Bu aqta o, Berlindeki «İşğal etilgen Qırım: andaki vaziyet» munaqaşası vaqtında tarif etti.

«40 qırımtatarı Rusiyede azatlıqtan marum etüv yerlerinde buluna, 32 kişi vaqtınca işğal etilgen Qırımda apiste yata, cezadan şartlı olaraq azat etilgen 15 insan Qırım yarımadasında yaşağan yerinde buluna. Olar esas Ukrainağa çıqıp olamaylar, çünki areket serbestligi ve yaşav yerini saylav aqları bozula», – dedi Denisova.

Ukraina ombudsmeni, Rusiye BM qararını yerine ketirmeyip, IV Jeneva şartnamesini boza, dep qoştı.

«Eminim ki, halqara basqı ve sanktsiyalarnıñ quvetleştirilmesi sayesinde Ukraina vatandaşlarınıñ azatlığını, Ukrainanıñ da topraqlarını qaytarmaq mümkün», – dep qayd etti Lüdmila Denisova.

Sentâbrniñ 7-nde Ukraina ve Rusiye tutulğan şahıslarnı almaştırdı. 35 ukrainalı olğan uçaq «Borıspil» ava limanında qondı.

Ukraina prezidenti Volodımır Zelenskıynıñ Qırım.Aqiqatqa bildirgenine köre, qırımtatar faalleriniñ Rusiye apishanelerinden azat etilüvi Ukraina-Rusiye deñişiminiñ ekinci basamağı olacaq.

XS
SM
MD
LG