Link açıqlığı

Rusiye ücüminden endi Lehistan da saqına


Rusiyeniñ ücümi havfından Lehistanğa öz ordularını quvetleştirmek kerek.

Bunı «Aq ve adalet» leh muhalif firqasınıñ lideri Yaroslav Kaçinskiy bildirdi, dep haber ete Azatlıq Radiosı.

«Ordunıñ sayısı çoq olmalı. Evelleri oğanı kibi büyük olmasa da, silâlı teminlevi yahşı olmaq kerek. Çünki Lehistan ücümi aqiqiy cenkke çevirile bilecek, bu endi istilâ ya da nasıldır bir qaza olıp sayılmaycaq», – dedi Kaçinskiy Branevo şeer sakinlerinen körüşken vaqıtta.

O şunı da qayd etti ki: «Eger de bizde yüksek seviyede teşkil olğan silâlı quvetlerimiz olsa, biz kendimizni tınç is ete bilemiz. Bundan da ğayrı, böyleliknen biz halqara meydanında öz mevam ve şerefimizni pekite bilemiz».

Siyasetçiniñ aytqanına köre, eger de ittifaqdaş memleketleriniñ orduları Lehistan toprağında bulunsa, firqa buña qarşı çıqmaz.

«Amerikalılar olmalı, çünki Rusiye tek olardan qorqa. Bizge nasıldır bir kelmeşek degil de, Rusiye ücüm ete bile», – dedi Kaçinskiy.

Evelleri Çehiya prezidenti Miloş Zeman qayd etti ki, eger de Rusiye Ukraina şarqına ketecek olsa, Çehiya NATO ordularınıñ Ukrainağa kirmesine qol tutmağa azırdır.
XS
SM
MD
LG