Link açıqlığı

Rusiye Çetel İşler Nazirligi Ukrainağa Qara deñiz flotu boyunca muracaatnı yolladı


Rusiye Çetel İşler Nazirligi Ukrainanı Rusiye Federatsiyasınıñ Qara deñiz flotunıñ Ukraina toprağında yerleşüvi boyunca añlaşmasınıñ toqtatuvı aqqında haber etti.

Bu aqta malümat Rusiye Çetel İşler Nazirligi saytında peyda oldı.

Böyleliknen, Ukrainanı 4 halqara añlaşmasınıñ toqtatuvı aqqında haberdar ettiler: Qara deñiz flotunıñ bölünüv parametrleri boyunca añlaşma, Qara deñiz flotunıñ bölünüvi ve Ukraina territoriyasında yerleşüvi boyunca esaplav añlaşması ve Rusiye flotunıñ Ukraina toprağında yerleşüv meseleleri boyunca añlaşma.

Rusiye tarafı Qırımda qalğan Ukraina Silâlı Quvetleriniñ arbiy mülküniñ Ukrainağa qaytarmağa azırlığını da bildirdi.

Aprel 2 künü Rusiye prezidenti Vladimir Putin RF Qara deñiz flotu boyunca rusiye-ukrain añlaşmasınıñ toqtatuvı aqqında qanunnı imzaladı.
XS
SM
MD
LG