Ukrayina Mudafaa nazirliginiñ Baş istihbarat idaresiniñ yolbaşçısı Kırılo Budanov Azatlıq Radiosınıñ leyhası Qırım.Aqiqat intervyü berir eken Ukrayinanıñ "deñişüv fondu" Rusiyeniñkiden daa az olğanını bildirdi.
"Bizimki Rusiyeniñkiden bayağı azdır. Bu doğrudır. Çünki istilânıñ ilk künlerinde Rusiye mında pek çoq esir aldı, şu cümleden adiy insanlar arasında da. Ne yazıq ki, amma bizim raqamlarımız bayağı az. Bunı añlamaq kerekmiz", - dep bildirdi o.
Budanov, "deñişüv fondunıñ"sayısı devlet sırı olğanı içün tam raqamnı bildirmekten red etti.
Ukrayina Mudafaa nazirliginiñ Baş istihbarat idaresiniñ yolbaşçısı esirge tüşken rus arbiylerniñ yüzde 20-i öz isteginen teslim olğanını bildirdi.
Avgustnıñ 7-nde Ukrayina Rusiye esirliginden daa 22 arbiyni qaytardı. Ombudsman Dmıtro Lubinetsniñ haber etkeni kibi, büyük cenk başalanğandan berli Ukrayina 2598 ukrayinni esirlikten azat etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
