Link açıqlığı

Saatnıñ esas haberi

Rostovdaki mahkeme Yaltadaki «Hizb ut-Tahrir davasını» Qırımğa tekrar baqılmasına qaytardı


Rostovdaki mahkeme Yaltadaki «Hizb ut-Tahrir davasını» Qırımğa tekrar baqılmasına qaytardı
Bekleñiz, lütfen

No media source currently available

0:00 0:01:39 0:00

Noyabrniñ 22-nde Rusiyeniñ Rostov-na-Donu şeerindeki Şimaliy-Kavkaz okrugınıñ arbiy mahkemesi Yaltadaki «Hizb ut-Tahrir davasını» Qırımdaki prokurorğa tekrar baqmasına yollamağa qarar aldı. Bu aqta «Qırım birdemligi» cemaat birleşmesi haber ete. Faallerniñ malümatına köre, imaye advokatları bir sıra hata ve bozuvlar olğanını aytıp, davanı prokurorğa tekrar baqmasına yollamağa rica etken edi. Müslim Aliyevniñ advokatı Sergey Legostovnıñ aytqanına köre, mahkeme davanı prokurorğa qaytarsa, tahqiqat tedbirleriniñ keçirilmesi içün şeklengenler Rostovdan Qırımğa keri avuştırılacaq. Bu dava boyunca qabaatlanğan Arsen Cepparov, Refat Alimov, Emir-Useyin Kuku, Muslim Aliyev, İnver Bekirov ve Vadim Siruk 2016 senesiniñ fevral-aprel aylarında Yaltada tutuldı. Olar Rusiyede yasaq etilgen «Hizb ut-Tahrir» siyasiy İslâm teşkilâtına alâqadar olğanında qabaatlana. «Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını «terrorist» birleşme cedveline kirsetip, onı yasaq etti. Aq qorçalayıcılar, «Hizb ut-Tahrir davası» boyunca mahküm etilgen ve apiske alınğan qırımlılarnı siyasiy mabüs dep saya, olarnıñ taqip etilmesini ise diniy sebeplernen bağlı olğanını tüşüne. (Video: Qırım Birdemligi)

XS
SM
MD
LG