Rusiyeniñ Rostov vilâyeti Azov şeerindeki cermy bazalarında yanğın Ukrayına telükesizlik hızmetiniñ mahsus operatsiyası ola, dep haber etti uquq qoruyıcı qurulışlarındaki menba Azatlıq Radiosına.
Onıñ malümatına köre, tren stantsiyası ve cermay bazaları ve yaqarlıq terminalları yerleşken liman yanında pek sesli edi, obyektlerde dronlarnıñ muvafaqiyetli işinden soñ küçlü yanğınlar çıqtı.
Ukrayına Telükesizlik hızmeti Ukrayınağa qarşı cenkni devam ettirmek içün istilâcını resurslarnen temin etken duşmannıñ iqtisadiy imkânlarını eksiltmege devam etecek, dep bildirdi menba.
Rusiyeniñ Rostov vilâyetindeki Azov şeerinde uçucısızlar tüşken soñ yanğın oldı, dep bildirdi region valisi Vasiliy Golubev. Onıñ aytqanına köre, cermay mallarınen rezervuarlar yanıp başladı. İyünniñ 18-ndde saba yanğın daa devam etti, dep kösterile Astra Telegram kanalı aydınlatqan levhalarda.
2024 senesinden berli Rusiyede dronlarnıñ darbesine cermay sektorınıñ bir qaç müessisesi oğradı, şu sebepten bazı cermay işletken zavodda cermaynıñ ilk işletüv donatmaları çalışmay. Reuters malümatına köre, birinci üç ayda eñ az yedi Rusiye zavodı küçüni toqtattı. Ücümler sebebinden Rusiye Beyazrusiyeden daa çoq benzin alıp başladı, Qazahistandan da teslimat yapılmasını rica etti. Ukrayına prezidentit Volodımır Zelenskıy cermay işletken zavodlarğa qarşı ücümleri Rusiye ordusınıñ Ukrayına energetikasına qarşı ücümlerge cevap olaraq adlandırğan edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
