Sentâbr 26-sında Rostov-na-Donu şeeriniñ Şimaliy-Kavkaz okrugınıñ arbiy mahkemesi, jurnalistler Aleksandra Yefimenko, Mihail Batrak, Seytumer Seytumerov ve Taras İbragimovnıñ sorğulamasını red etti. Olar, cemaat jurnalisti, bloger Nariman Memedeminovnıñ davası boyunca imaye şaatları kibi kösterilgen ediler. Bunı Qırım.Aqiqat mühbiri bildirmekte.
"Şaat olaraq nevbetteki sahışlarnı sorğuğa çekmege muracaat etem: İbragimov, Yefimenko, Seytumerov, Batrak. Bu adamlar Kyivde olğanından sebep, Kyivniñ Peçerskıy rayon mahkemesinen video vastası ile bağlanıp, olarnıñ sorğulamasını keçirmege rica etem. Olar, bir çoq sebeplerge köre, Rusiyege kelip olamay. Olardan, müşterimniñ şahsiyeti ve başqa allarnen bağlı sorğu soramaqnı rica etemiz", - dep mahkemede muracaatını ifade etti Emil Kurbedinov.
İmayeniñ delillerini diñlep, mahkeme, belgilengen şaatlarnıñ sorğulamasını red etti.
