Dron darbesinden soñ altı künden berli yanğın devam etken Rusiyeniñ Rostov vilâyetindeki Proletarks şeeriniñ cermay bazasına cuma künü uçucısızlar kene ücüm etti. Bu aqta Shot, Baza ve Astra Rusiye telegram kanalları haber ete. Yaralanğanlar aqqında malümat yoq. Ücüm aqqında resmiy malümat olmadı.
Yerli akimiyetniñ malümatına köre, avgustnıñ 18-nde dronlarnıñ ücümi neticesinde er biri beş biñ kub metrlik 20 tsisterna yandı. Avgustnıñ 20-nde yanğın yeri 10 biñ metr kâre oldı. Aynı vaqıtta ateş kerosin rezervuarlarına kelmedi. Shot versiyasına köre, bugünki dronlarnıñ nişanı olar edi. Tahminlerge köre, Ukrayina Silâlı quvetleri kerosin tsisternalarınıñ yanmasını istey, yanğın meydanı pek artacaq.
Altı künden berli devam etken yanğınnı söndürmek içün Fevqulâde vaziyetler nazirliginiñ aviatsiyası, mahsus trenler ve 500-den çoq qurtarıcı celp etildi. 49 yanğıncı yaralandı. Yedi ağır yaralanğan kişi Peterburgdaki Fevqulâde vaziyetler nazirliginiñ hastahanesine ketirildi. Avgustnıñ 19-ndan berli Proletarskta fevqulâde vaziyet rejimi devam ete.
Rusiyeniñ Kursk vilâyetindeki uquq qoruyıcı organlarında olğan menba TASS neşirine bildirgenine köre, Ukrayina uçucısızı Kurçatov atom elektrostantsiyası rayonında tüşürildi. Onıñ parçaları atom elektrostantsiyasınıñ işlengen özek yaqarlıq anbarı yanında tapıldı, dep ayta agentlikniñ subetdeşi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
