Qırımda teşkerüvlerniñ 47%-ında keyfiyeti talaplarğa uymağan dizel yaqıtı ve 20%-ında sahte benzin tapıldı. Rosstandart müessiseniñ matbuat hızmeti bildirgeni kibi, bu - yarımada yaqıt stantsiyalarınıñ teşkerüvleriniñ birinci basamağınıñ neticeleridir.
"2019 senesi mayıs ve iyün başında 19 yaqıt stantsitasından alınğan 58 dizel yaqıtı ve benzin örnekleriniñ teşkerüvi neticeleri böyle edi: keyfiyeti talaplarğa uymağan dizel yaqıtı - keçirilgen teşkerüvlerniñ 47%-ında, sahte benzin - 20%-ında. Em de vesiqalar ve mal markirovkasında hatalar tapıldı. Bozucılarğa qarşı memuriy tedbirler, hususan para cezası qullanılacaq", - denile beyanatta.
Aynı vaqıtta Rosstandart, keçken yılğa köre bu yıl Qırımda yaqıt keyfiyetinen vaziyet güzelce, dep qayd ete. Böylece, 2018 senesi sahte dizel yaqıtınıñ fayızı 70 edi, sahte benzinnin ise - 45.
