Noyabrniñ 11-18 Kremlniñ kontroli altında olğan Qırım Rosselhoznadzorı (Veterinariya ve fitoveterinariya nezareti boyunca federal hizmet) inspektorları, Qırımnen Herson vilâyeti arasındaki memuriy sıñırdan 100-ge yaqın kilogramm erzaq malını yibermediler.
Bu, muessiseniñ saytında bildire.
"Bu mahsulat qomşu devletniñ territoriyasına qaytarıldı. Temeli: adamlarnıñ el bagajı ve bagajında karantinge oğrağan mahsulatnıñ kirsetilmesine vaqtıncalıq sıñırlav aqqında 24.07.2014 tarihından FS-AS-3/13487 mektübi", - denile beyanatta.
Qomşu Rusiye ve ilhaq etilgen Qırımda, Qırım ilhaqı ve Ukrainanıñ şarqındaki tecavuzı içün daa evel Moskvağa qarşı sanktsiyalarnı qabul etken devletlerge qarşı erzaq ve köy iqtisadiyatı mahsulatınıñ ithalâtına sıñırlav tedbirleri tatbiq etildi.
