Romaniya NATO sammitinde taqdim etilgen Ukrayina içün "telükesizlik kefaletleri''ne qoşulğan. Bunı Romaniya TİN matbuat hızmeti haber etti.
Romaniya Tış işler naziri "telükesizlik kefaletlerine" qouşlma qararını ABD Devlet kâtibi Entoni Blinken ile telefon laqırdısı vaqtında bildirdi. Bundan ğayrı olar Rusiyeniñ "zahire añlaşması''nı bozmasını ve Romaniyanıñ Ukrayinadan kelgen köy hocalığı mahsullarınıñ tranzit imkânlarını desteklemek içün köre bilecek çarelerni muzakere ettiler.
NATO sammitinde qabul etilgen Beyanname Ukrayinanıñ mudafaa ve istihbarat imkânlarını quvetleştirmek içün Kıyiv ve G7 memleketleri ve diger imzalağan memleketler arasında ekitaraflı añlaşmalarnı köz ögünde tuta.
Evel Ukrayina prezidenti Volodımır Zelenskıy G7 memleketleri tarafından teklif etilgen telükesizlik kefaletlerini alğışlağan edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
