Romaniya kerek olğan taqdirde Rusiye dronlarını urıp tüşürecek, dep bildirdi memleketniñ Mudafaa ştabınıñ reberiniñ muavini general Georgitsa Vlad.
Generalnıñ sözlerine köre, Tuna özeni üzerindeki Ukrayina limanlarına sıq-sıq dronlar ücümleri sebebinden Romaniya özen deltası bölgesinde 600 asker ve radar sistemalarını yerleştirgen
"Biz bir qaç radar yerleştirdik, bizim mudafaa sistemamız arekette, Rusiye tecavuzına qarşı turmaq içün NATO ortaqlarımımız ile qararlarımıznı muzakere ettik", - dep bildirdi general.
Sentâbrniñ 13-nde Romaniya Mudafaa nazirligi Romaniya territoriyasında Rusiye pilotsız uçağınıñ parçası tapılğanı aqqında bildirgen edi.
Bu artıq üçünci böyle vaqia. Evel Romaniya Rusiye qullanğan dronlarğa beñzegen parçalarnı endi tapqan edi. Bunda soñ Romaniya akimiyeti Ukrayina ile sıñırdaş topraqlarda telükesizlikni arttırmağa qararına keldi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
