Bu aqta Qırımtatar Resurs Merkeziniñ uquqçısı Lüdmila Korotkih Qırım.Aqiqat yayınında ayttı.
«İşğal etilgen Qırım sakinlerinen beraber bugün 48 insan, olar tek bu dava boyunca taqip etile», – dep tarif etti Korotkih. Qırımtatar merkezi böyle insanlarnıñ sayısı daa çoq ola bile, dep bildire, çünki «haberimiz olmağan bir sıra kişi ola bile».
Sentâbr ayında Qırımtatar Resurs merkezi terrorizmni maliye etüv ve Noman Çelebicihan göñülli batalyonında iştirak etüv qabaatlavınen mahküm etilip tutulğan 4 qırımtatarınıñ adı ve soyadını bilip oldı.
Böylece, Rusiye işğal etken Herson vilâyeti Geniçesk rayonınıñ sakinleri Rustem Mevlütov ve Eskender Auci Rusiye uquq qoruyıcıları tarafından bıltır tutulıp, Noman Çelebicihan batalyonında iştirak etkenleri qabaatlavınen 3,5 yıl koloniyada qalmasına üküm etildi. Aynı qabaatlav esasında Amina Kadırova 7 aydan berli ev apsinde buluna. Aqyar sakini Murat Kadırov «terrorizmni maliye etüv» qabaatlavınen 10 yıl apis cezasını aldı. 8 yıl evelsi o, tar kelirli insannıñ bank kartına 3 biñ ruble yolladı.
Aq qorçalayıcılar bu davalarnı sahte dep adlandıra. Olarnıñ fikirince, Rusiye uquq qoruyıcıları işğalge razı olmağanlarnı qorquza.
Aprel ayında Qırımtatar resurs merkezi 2014 senesinden başlap eñ az 41 insan «Noman Çelebicihan qırımtatar göñülli batalyonında» iştirak etkeninde qabaatlanıp tutulğanını bildirdi.
2022 senesi Rusiye FSBsi Noman Çelebicihan Qırımtatar göñülli batalyonını «terroristik teşkilâtlar» cedveline kirsetti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
