Link açıqlığı

Saatnıñ esas haberi

Rusiye mahküm etken qırımlı Riza İzetov Qırımdan üç biñ kilometrde olğan koloniyağa etap etildi – ömür arqadaşı


Riza İzetov
Riza İzetov

Rusiye mahkemesi tarafından 19 yıl koloniyada qalmasına mahküm etilgen qırımtatar faali ve aq qorçalayıcı Riza İzetov Saha Cumhuriyetiniñ №1 tüzetüv koloniyasına etap etildi, dep bildirdi «Qırım birdemligi».

Koloniya Qırımdan doquz biñ kilometrde buluna.

Qırımlınıñ anası Nadiye İzetova ariza berip, oğlunı evine yaqın koloniyağa avuştırmağa rica etti. Onıñ qayd etkenine köre, oğluna barmaq em maddiy, em fizikiy ceetten zor. İzetovnıñ Anası qanser hastası. Böyle bir yolğa çıqmaq onıñ içün imkânsız ola. Nadiye İzetova oğlunı altı yıldan berli körmey.
«Ne men, ne qız qardaşlarım Yakutiyağa barıp olamaz – episi 70 yaştan büyük. O qadar uzaq barıp olamamız. Remissiyada bulunam, amma evden bir yerge çıqmayım. İmmunitetim zayıf, infektsiyalardan uzaq olmağa tırışam. <…> Onıñ kelgenini köremem dep is etem, oğlumnı bu dünyada körmek içün Allahqa dua etem», – dep tarif etti Nadiye «Qırım birdemligine».

2023 senesi martnıñ 10-nda Rostov-na-Donu Cenübiy okrugınıñ arbiy mahkemesi Remzi Bekirov, Riza İzetov, Raim Ayvazov, Farhod Bazarov ve Şaban Umerovnıñ ükümlerini çıqardı. Olarnı Rusiye Federatsiyası Ceza kodeksiniñ 205.5 maddesiniñ 1-inci qısmına istinaden («Terror teşkilâtınıñ faaliyetini teşkil etüv») qabaatlağanlar. Qalğanları – Rusiye Federatsiyası Ceza kodeksiniñ 205.5 maddesiniñ 2-nci qısmına istinaden («Terror teşkilâtınıñ faaliyetinde iştirak etüv»). Dava mabüsleri Rusiye Federatsiyası Ceza kodeksiniñ 30-ıncı maddesiniñ 1-inci qısmı ve 278-inci maddesine istinaden («Akimiyetni zorbalıqnen zapt etüv azırlığı») qabaatlandı.

2019 senesi martnıñ 27-nde FSB, Rusiye İç işler nazirligi ve Rusiye gvardiyasınıñ hadimleri martnıñ 27-nde Qırımda qırımtatarlarnıñ, şu cümleden «Qırım birdemligi» faalleriniñ evlerinde tintüvler keçirdi. Umumen Rusiyede ve işğal etilgen Qırımda yasaqlanğan «Hizb ut-Tahrir» teşkilâtında iştirak etkeninde qabaatlanğan 24 faal tutulğan edi. 2019 senesi martnıñ 27-nde ve 28-nde Aqmescitniñ rayon mahkemesi bütün tutulğanlarnı apiske aldı.

OSCE kütleviy haber vastalarınıñ serbestligi vekili Harlem Désir martnıñ 27-nde Qırımda keçirilgen kütleviy tintüvlerden soñ «Qırım birdemligi» faalleriniñ apiske alınuvını takbih etip, olarnıñ Rusiye SİZOsından acele azat etilüvine çağırğan edi.

«Memorial» aq qorçalayıcı merkezi 2019 senesi martnıñ 27-nde Qırımda Rusiye quvetçileri tarafından tutulğan 24 qırımtatar faalini siyasiy mabüs dep tanıdı.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: rukrymr.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG