Riga şeerindeki AB Evinde "Qırımnıñ işğalden azat etilmesi ve больгеде telükesizlik mimarcılığınıñ qurulması" munaqaşası olıp keçti, mında Qırımnıñ Rusiye tarafından işğaliniñ halqara telükesizlik içün aqibetleri, yarımadada insan aqlarınıñ bozuluvı, medeniy mirasnıñ saqlanması ve qoruvı meseleleri muzakere etildi.
Bu aqta Ukrinform mühbiri bildire.
Tedbirniñ açılışında Ukrayinanıñ Letoniyadaki elçisi Anatoliy Kütsevol ve Ukrayina prezidentiniñ Qırım Muhtar Cumhuriyetindeki daimiy temsilcisi Tamila Taşeva çıqışta bulundı (online). Olar, dünya Qırım işğaline qarşı çıqmaq, Rusiye istilâsına qarşılıq köstermek, Rusiye ikâyeleriniñ darqatılmasına qarşılıq köstermek içün birleşmege devam etmesiniñ müimligini qayd ettiler.
Tögerek masanıñ munaqaşalar panellerinde aşağıdaki mevzular muzakere etildi: ''Qırımnıñ Rusiye tarafından ilhaqı ıntıluvınıñ halqara telükesizlik içün aqibetleri. Halqara Qırım platformasınıñ faaliyeti'', ''Rusiye tarafından işğal etilgen Qırımda insan aqlarınıñ bozuluvı'', ''Rusiye tarafından vaqtınca işğal etilgen Qırımda medeniy mirasnıñ saqlanması ve qorunması meseleleri''.
Letoniya tarafından spikerler arasında: adliye naziri İnesse-Lıbinya Egnere; memleket ombudsmeni Yuris Jansons; NATO baş kâtibiniñ yardımcısı (2020-2023) Bayba Braje; sabıq mudafaa naziri (2019-2022) Artis Pabriks bar edi. Letoniya medeniyet naziri Agnese Logina, Avropa parlamentiniñ deputatı Sandra Kalniete video muracaatınen muracaat etti.
Ukraina tarafından panellerden birinde Ukrayina medeniyet ve haber siyaseti naziriniñ Avropa integratsiyası muavini Taras Şevçenko spiker oldı (online).
Pragada oktâbrniñ 24-nde «Qırım platformasınıñ» ekinci parlament sammiti başladı. Ukrayina Yuqarı Radasınıñ spikeri Ruslan Stefançuknıñ aytqanına köre, tedbirde bütün dünyadan tahminen 70 parlament eyyeti iştirak etecek. Stefançuknıñ fikirince, Ukrayina suvereniteti ve topraq bütünligi içün «küçlü» bir yardım.
Ukrayinanıñ teşebbüsinen olğan «Qırım platforması» halqara koordinatsion mehanizm 2021 senesi avgust ayında Kıyivdeki tesis sammitinde başlatıldı. Platformanıñ maqsadı – halqara kün tertibinde Qırımğa diqqatnı saqlap qalmaq, Qırımda insan aqlarını qorumaq, yarımadanıñ işğalden azat etilüvine yardım etmek ve ilâhre.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
