Moskva ve Kıyiv arasında esir deñişüviniñ muzakeresi yalıñız ukrayin arbiyleriniñ mahkemesinden soñ mümkün olacaq. Bunı Rusiye TİN reis muavini Andrey Rudenko bildirdi.
"Teslim olğanlar mahkemelengen, yani olarğa üküm çıqarılğan soñ nevbetteki adımlarnı baqacaqmız. O vaqıtqa qadar deñişüv aqqında er angi laflar vaqtından eveldir", - dedi Rudenko.
Rusiye ve Ukrayina arasında esirler deñişüvi meselesi eki aydan çoq Mariupoldeki "Azovstal" zavodını mudafaa etken Ukrayina arbiyleriniñ keçken afta esirlikke teslim olğanlarından soñ faal muzakere etilip başlandı.
Ukrayina prezidenti Volodımır Zelenskıy Ukrayina akimiyetiniñ Muariupolden ukrayin arbiyleriniñ tahliyesi içün kefaletler aqqında halqara teşkilâtlar ile añlaşqanlarını ve soñra olar deñişüv protsedurası çerçivesinde azat etilecegini bildirgen edi. Rusiye tarafı deñişüv aqqında bir şey aytmay.
Rusiye Mudafaa nazirligi 2,5 biñ ukrayin arbiyi esirlikke teslim olğanını bildire.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
