Rusiye tarafından işğal etilgen Hersonda RF quvetçileri 2015-16 senelerı Qırımnıñ "ticaret blokadasında" iştirak etmekte şübeli sayılğan kişini yaqalağan. Bunı Rusiye haber vastaları RF Tahqiqat komitetine atfı etip bildire.
"Geniçesk belediye bölgesiniñ Rıkovo köyüniñ 54 yaşındaki sakini RF Ceza Qanunnamesiniñ 208 maddesiniñ 2-nci qısmında köz ögünde tutulğan cinayet yapqanında şübeli sayıla. Tahqiqat 2015-16 seneleri o Ukrayina topraqlarında faaliyet köstergen qanunsız silâlı müfrezeniñ azası olğanını belgiledi", - dep yazıla bildirmede.
Rusiye quvetçileriniñ malümatına köre, erkek "Çonğar" kiriş-çıqış yoqlav keçitini qaravullağanını ve "Qırım Cumhuriyetiniñ sakinleri içün ketirilgen mahsulatnıñ teslimatını" blok ete edi eken.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
