Ukrayina Baş prokurorı Andriy Ko stin Qırımda 180-den çoq ukrayin siyasiy mabüsniñ tutulğanını bildirdi. 2022 senesi mart ayından başlap ise eñ az 370 kişi Rusiye ordusını "itibardan tüşürüv" içün memuriy mesüliyetke celp etilgen.
"İşğal devamında Rusiyeniñ siyaseti Ukrayinanı desteklegen vatandaşlarnıñ taqip etilmesi ile Ukrayinanı itibardan tüşürmek edi... İşğal qanun qoruyıcı ve mahkeme sistemleri tınç ealini taqip etmek ve qorqutmaq içün basqı mehanizm kibi işley", - dep bildirdi qanun qouyıcı.
Ko stinniñ sözlerine köre, işğalniñ doquz yılı devamında iskence ile refaqat olunğan tintüvler keçirile ve çoqusı apisnen yökünlene.
"Qırımda 180-den çoq siyaisy mabüs işğalcilerniñ qurbanı oldı", - dep qoştı o.
Ko stin Ukrayinağa qarşı cenk ile razı olmağan Qırım sakinleriniñ taqip etilmesini de hatırlattı.
"2022 senesinden başlap cenkni toqtatmaq çağıruvı ile yazı ya da aktsiya içün işğal akimiyeti RF ordusını "itibardan tüşürüv" maddesi ile memuriy mesülietke 370 adamnı celp ettiler", - dep qayd etti o.
Rusiyede ve işğal etilgen topraqlarda Ukrayinanı desteklegen faallerniñ taqip etilmesi devam ete. Rusiyege qoltutqan bloger Aleksandr Talipov Telegram kanalında Ukrayına tarafdarlarınıñ şahsiy malümatını derc ete. Onıñ şikâyetleri esasında qırımlılar Rusiye ordusını "itibardan tüşürgeninde" qabaatlanıp, memuriy ve cinaiy mesüliyetke çekile. Ukrayına prokuraturası Talipovğa qarşı "milletlerara nefret doğuruv" maddesine istinaden cinaiy tahqiqat başlattı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
