"Dronlar kene Odesa vilâyetiniñ cenübine uçurtıldı. Olar anada-mında aylanıp Ava mudafaası sistemasını aldatmağa tırıştılar. Olarnıñ maqsadı yalıñız cenüp degil de, merkeziy taraf da edi", - dep ayttı o.
Onıñ sözlerine köre, ücüm neticeleri daa belli degil, amma berilgen malümatqa köre o pek küçlü edi. RF ordusı 20 dron qullanğan, ilk malümatqa köre episi urıp tüşürilgen.
Onıñ bildirgeni kibi, "duşmannıñ esas maqsadı liman yanı infraterkibi" qalmaqta. Ğumenük, Rusiye darbleler endirmek ve bölgelerniñ iqtiyadatiyatına tesir etmek içün "kritik ve müim infraterkip obyektlerini qıdırmağa devam ete", dep bildirdi.
"Yazıq ki, amma Vinnıtsâ vilâyetiniñ obyektlerinden biri ücümge oğradı. Yanğın endi söndürildi. Adamlarnıñ telükesizligi içün keçirilgen tahliye de pek ciddiy degil edi", - dep qayd etti o.
Sentâbrniñ 30-na keçken gecesi memleketniñ cenübiy, şarqiy ve merkeziy qısımlarında ava telükesi ilân etilgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
