Rusiye ordusı Qırımnıñ şimaline yañı arbiy bölüklerini ketire. Bu yarımadağa qara koridorınıñ saqlanması içün de yapıla. Bunı "Ukrinform" agentligine Ukrayina Mudafaa nazirliginiñ Baş istihbarat idaresiniñ temsilcisi Andriy Çernâk bildirdi.
"Çetel ortaqlarımıznıñ bizge yañı tür silâlar teslim etkenini köz ögüne alsaq, Qırımğa ketken sözde qara koridorı elbette telükesiz degil. Ukrayina işğal altındaki topraqlarda Rusiye mevzilerine darbeler endirecek", - dep qayd etti o.
Çernâknıñ sözlerine köre, Rusiye arbiyleri Herson vilâyetiniñ işğal etilgen qısmında kibi yarımdanıñ şimalinde de mudafaa inşaatlarnı qurmağa devam ete.
"Olar yutquzalar, şunıñ içün bu yerlerde cenkleşmek mecbur olacaqlarını añlap, yapa bilecekleri yerde mudafaa inşaatlar quralar", - dedi o.
Oktâbrniñ 1-nde Kırılo Budanov, Ukrayina Silâlı quvetleri Qırımğa 2023 senesiniñ baariniñ soñunace kirecegini bildirgen edi.
Evel Mıhaylo Podolâk Qırım sakinlerini işğalden azat etilüv vaqtında sığınaqlarnı teşkermege ve suv yedeklemege çağırdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
