"Eki saat devamında Rusiye terroristleri Odesa vilâyetine ücüm dronları ile ücüm etti. Ava mudafaası sistemaları çoq çalıştı. Dronlarnıñ çoqusı urıp tüşürildi. Yazıq ki, İzmail bölgesinde liman yanı infraterkibi darbe aldı. Eki erkek zarar kördi, yük maşnalarınıñ aydavcıları. Olardan birine yerinde tibbiy yardım kösterildi, ekincisi ağır alda hastahanege yatqızıldı. Kontrol noqtası, anbar haneleri, 30-ğa yaqın yük maşnası zarar kördi, 6 fura yandı", - dep bildirdi o.
Keçende de Rusiye Odesağa ücüm etken edi. Odesa tarafına "Şahed", "Oniks" ve "Kalibrler" uçurtılğan edi. Neticede liman yanı infraterkibi, deñiz vokzalı, vokzal yanı musafirhanesiniñ bigası, zahire anbarı zarar kördi. Bir adam elâk oldı ve bir adam elâk oldı.
Rusiye ordusı muntazam tarzda Ukrayinağa raketa, dron ücümlerini kerçekleştire. Delillerge baqmadan Moskva sırf arbiy infraterkipke darbe endirgenini bildire.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
