Rusiye ordusı kene Mıkolayivni ateşke tuttı. Bunı şeer başı Oleksandr Senkeviç bildirdi.
"Kündüzki ateşke tutmalar neticesinde eki adam yaralandı, olar hastahanege yatqızıldı. Daa bir kişi hastahanege yolda öldi", - dedi o.
Senkeviç, şeer başlıqları şimdi ateşke tutmalarnıñ aqibetleri aqqında malümat toplağanını ve biraza soñra tafsilâtlı malümat berecegini bildirdi.
Mıkolayiv ve Mıkolayiv vilâyetini rusiye ordusı er kün ateşke tuta.
Bir çoq delillerge baqmadan, Rusiye Ukrayinadaki vatandaş obyeyektlerni ateşke tutmağanını bildire.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
