RF ordusı Kramatorsknıñ merkezine raketa darbesini endirdirgen. Bunı iyünniñ 27-nde Azatlıq Radiosınıñ Donbas.Aqiqat leyhası haber etti.
Anda çalışqan mühbirlerden biriniñ malümatına köre, yaralanğanlar bar, dağıntılar tübünde adamlar qala.
Donbasnıñ yolbaşçısı Pavlo Kırılenkonıñ sözlerine köre, raketa çoq insan bulunğan qavehanege kelip urğan
Onıñ bildirgenine köre, 15 kişi yaralanğan. Biraz soñra eki insan elâk olğanı aqqında belli oldı.
Ukrayinağa qarşı Rusiye silâlı ücümi 2022 senesi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.
Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.
Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
