İyünniñ birine keçken gece Rusiye ordusı Kıyiv vilâyetiniñ infraterkibine avadan ücüm etti, dep bildiri Ukrayina Silâlı Quvetleriniñ Baş ştabı.
Ukrayina Silâlı Quvetleriniñ Baş ştabınıñ malümatına köre, Rusiye "İskander" operativ-taktik kompleksiniñ raketalarını qullanaraq Kıyiv vilâyetiniñ grajdanlıq ve kritik infraterkibine darbe endirgen.
"İlk malümatqa köre, Ukrayina Silâlı Quvetleriniñ Ava quvetleri atılğan 10 raketanıñ episini urıp tüşürgen", - dep yazıla bildirmede.
Yerli başlıqlarnıñ bildirgenine köre, üç adam elâk olğan, olarnıñ arasında bir bala bar.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
