"Zarar körgen adamlar aqqında malümat yoq. Bir sıra çoq qatlı bina, maşna zarar kördi", - dep yazıla bildirmede.
Bundan ğayrı, bu gece RF ordusı Herson vilâyetindeki Çernobayevkanı ateşke tutqanı aqqında haber etile.
"Noyabrniñ 11-ne keçken gece saat 1-de RF Silâlı quvetleri büyük ihtimalnen "Grad" sistemalarından Herson vilâyetindeki Çernobayevka köyüni ateşke tuttı. 72 yaşındaki bir adam hastahanege alındı", - dep qayd ettiler prokuraturada.
Ukrayina ordusı Herson ve Herson vilâyetiniñ bir qısmını 2022 senesi noyabr ayında azat etken edi. Hersonnıñ sol tarafı alâ daa işğal altında.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
