Avgustnıñ 1-nde Rusiye ordusı tekrar Hersonğa ücüm etti, dep bildirdiler Herson vilâyetiniñ arbiy memuriyetinde.
"Duşman mermileri şeerniñ tibbiyet müessiselerinden birine de tüşti. Bir ekim öldi, emşire yaralandı, oña tibbiy yardım kösterile. Bundan ğayrı ateşke tutmalar sebebinden cerrahiy bölük zarar kördi", - dep yazıla bildirmede.
Herson vilâyetiniñ prokuraturasında zarar körgenlerniñ sayısı daa belli degil, dep bildirdiler. Hastahane binası, etraftaki naqliyat zarar körgen. Cenk adetleri ve qanunlarını bozuv faktı ile mahkemeden evel tahqiqat başlanğan.
Rusiye ordusı aman-aman er kün Hersonnı ve vilâyetniñ işğalden azat etilgen qısmını ateşke tuta.
İsbatlar olğanına baqmadan. Moskva arbiy olmağan adamlarğa ücüm etkenini inkâr ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
