İstihbaratnıñ malümatına köre, RF ordusı statsionar gaz nezaret noqtaları, elektrik yarı stantsiyalar ve kritik infraterkip obyektleriniñ yaqınlarında patlayıcı maddeler qaldıra ekenler.
"İşğalcilerniñ bu kibi areketleri olarnıñ keri çekilmege mecbur qalğanda kritik infraterkip elementlerini yoq etmek niyetlerini köstere", - dep qayd eteler istihbaratta.
Muarririyet bu malümatnı mustaqil menbalardan teşkerip olamay.
Ukrayina ordusı Herson ve Herson vilâyetiniñ bir qısmını 2022 senesi noyabr ayında azat etken edi. Hersonnıñ sol tarafı alâ daa işğal altında.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
