Nazirlik qaysı obyektler olğanını bildirmey. Muarririyet bu malümatnı teşkerip olamay.
Ukrayina tarafı vaziyetni izaatlamay. Aynı zamanda avgust ayında Ukrayina Mudafaa nazirliginiñ baş istihbarat idaresiniñ yolbaşçısı Kırılo Budanov Azatlıq Radiosına intervyü berir eken, Ukrayina quvetleri Qırımnıñ er angi köşesine ücüm ete bile, dep bildirgen edi.
Qırım.Aqiqat mühbiriniñ haber etkeni kibi, Aqyarda eñ az dört patlav yüz bergen. Sevmorzavod civarında tüsses de bar edi.
Şeerniñ işğal yolbaşçısı Mihail Razvojayev daima olğanı kibi bu tüsses maskalama vastalarıdır, dep iddia ete. Bundan ğayrı, onıñ sözlerine köre, arbiyler Aqyar üzerinde eki ava nişanını urıp tüşürgen. Parçalar ise 27 sanlı mektepniñ azbarına tüşken. Bir insan yaralanğan.
Evel Rusiye telagram kanalları RF arbiyleriniñ yaralanması aqqında haber etken ediler. Astra bildirgeni kibi, gece saat 3-lerde Olenevka köyü yaqınlarında yerleşken Rusiye ava mudafaasınıñ raketa-zenit polkuna ücüm etilgen. Neticede 17 arbiy yaralanğan, 5 maşna zarar körgen, olardan biri artıq tamir etilmez de.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
