Rusiyeniñ Rostov-na-Donudaki mahkemesi qarasuvbazarlı qırımtatar faali, "Qırım musulmanları davası"nıñ mabüsi Marlem Mustafayevni 17 yıl apis cezasına mahküm etti. Bunı "Qırım birdemligi" cemaat birleşmesi haber etti.
Berilgen malümatqa köre, Mustafayev 17 yıl sert apis cezasına mahküm etilgen. İlk 3 yılını apishanede apishanede keçirmeli, müddet bitken soñ daa 1 yıl azatlığı sıñırlı olacaq.
Marlen Mustafayev siyasiy mabüslerniñ ailelerine yardım ve mahkeme oturışlarını ziyaret etken qırımtatar faalidir.
"Qırım birdemligi" cemaat birleşmesinde qayd etkenleri kibi, tutulgan Ansar Osmanov, Ernest Seytosmanov ve Marlen Mustafayev "Qırım musulmanları davaları"nıñ mahkeme oturışlarına qatnağan faallerdir.
Rusiye Federal telükesizlik hızmeti, feralniñ 9-nda Qırımda keçirilgen tintüvlerden soñ tutulğan dört qırımtatarnıñ "Hizb ut-Tahrir" areketi ile alâqası olğanını ve "anayasağa qarşı faaliyet" etkenini bidirdi.
Qırım MC ve Aqyar şeeri prokuraturası Rusiye quvetçileriniñ qırımtatarlarnıñ evlerinde keçirgen tintüvlerden soñ Ukrayina Ceza qanunnamesiniñ 162-nci maddesiniñ 2-nci qısmına binaen cinayet davasını açtı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
