Dekabrniñ 29-nda saba saatlarında Rusiye kene Ukrayinağa raketalarnen ücüm etti. Kıyivde patlav sesleri eşitildi, şeerniñ arbiy memuriyeti ava mudafaası işlegenini bildirdi.
"Urıp tüşürilgen raketanıñ parçaları Darnıtsâ rayonında şahsiy binağa ve yaqınlarda taşlanğan maşnağa zarar ketirdi. Qurbanlarnen bağlı malümat teşkerile", - dep yazıla bildirmede.
Kıyiv şeeriniñ devlet memuriyeti adamlarnı sakin olmağa ve ava telükesi signalı lâğu etilmegence sığınaqlarda qalmağa çağıra.
Al-azırda bütün Ukrayina boyunca ava telükesi signalı devam etmekte. Ava mudafaası Kıyiv, Poltava ve Odesa vilâyetlerinden de çalışa.
Ava quvetleri komandanlığı, Rusiyeniñ strategik uçaq ve gemilerden ava ve deñizde yerleşken qanatlı raketalar ile türlü taraflardan Ukrayinağa ücüm etkenini bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
