Bu sene Rusiye tarafından işğal etilgen Ukrayina topraqlarında NATO azası olğan Türkiyege eñ az 14,3 million dollarlıq kömür ihrac etildi. Bunı Reuters Rusiye gümrükhanesine atıf etip bildire.
2023 senesi fevral ayından iyül ayınace işğal etilgen Donetsk ve Lugansk vilâyetlerinden Türkiyege 160,4 tonna kömür kelip çıqtı.
Gümrük malümatında qayd olunğan üç istisalcı bu yıl devamında Türkiyeniñ eki bölgesinden kömür yollağanını Reuters agentligine tasdıqladılar.
ABD ve Avropa Birligi kibi Türkiye Rusiye ya da Moskvanıñ nezareti astında olğan Ukrayinanıñ bölgeleri ile ticaretni sıñırlamadı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
