Rusiye arbiyleri İlk yaznıñ 17-ne keçer gecesi Rusiye Federatsiyasınıñ dört yerinden ve işğal etilgen Qırımnıñ Çauda burnundan Ukrayinağa 119 arbiy uçucısız uçaqnen ücüm etti, dep bildirdi Ukrayina Silâlı quvetleriniñ Arbiy-ava quvetleri.
"İlk malümatqa köre, saat sekizge qadar ava mudafaası tarafından 97 duşmannıñ "Shahed", "Gerbera", "Italmas" ve diger tiplerdeki dronlar urulıp tüşürildi", — dep aytıla haberde.
Rusiye arbiyleri Ukrayina regionlarına muntazam sürette ücüm ete, çeşit silâ qullana – uçucısız, raketa, KAB, reaktik toplu atış sistemaları.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tasnif ete ve olarnıñ maqsadı bar, dep qayd ete.
İnsanlarnı elektrik energiyası, sıcaq, su, bağ, tibbiy yardım ve yaşayış içün diger kerekli şaraitlersiz qaldırmaq içün eali yaşayışını teminlev sistemaları ve sağlıq müessiselerine qarşı ateşler genotsid areketleriniñ alâmetlerini taşıy.
Rusiye reberligi Rusiye ordusı büyük cenk vaqtında Ukrayinanıñ şeer ve köylerinde vatandaş infrastrukturasına qarşı darbe endirgenini, vatandaşlarnı öldürgenini ve hastahane, mektep, bala bağçaları, energetika ve suv obyektlerini yıqqanını inkâr ete.