Rusiye arbiyleri Qırımnıñ Krasnoperekopsk rayonındaki tarlanı minaladı, dep bildirdi Milliy Meclis azası Eskender Bariyev.
"Krasnoperekopsk rayonındaki tarlanıñ minalanğanı aqqında tenbilegen edik. Ermeni Bazar şeeri bu bölgededir. "Qırım titanı" himik zavodında yüz bergen vaqialarğa kelgende, zavodda içimli suvnıñ toplanğan rezervuarları olğanına diqqat çekmek isteyim. Olar teren degil ve qarşı ücümge mania olamazlar. Perimetr boyu bu rezervuarlarnıñ da minalanğanı aqqında malümatımız bar", - dep bildirdi o.
Bariyev, Kahovka suv elektrik stantsiyasınıñ patlatılmasından soñ yarımadanıñ Dnipro suvunı almacağı içün "Qırım titanı" himik zavodınıñ faaliyeti içün havf bar, dep qayd etti.
Bundan evel Ukrayina istihbaratınıñ temsilcisi Andriy Yusov, Qırımdaki Rusiye ordusınıñ keri çekilme ve qaçma vaziyetinde Ermeni Bazardaki "Qırım titanı" işkanesini yoq etmek stsenariyini tüşüngenini bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
