Dekabrniñ 8-nde gece Rusiye arbiyleri S-300 raketaları ile Harikivge altı darbe endirdiler. Bunı Harkiv vilâyetiniñ arbiy memuriyetiniñ başı Oleğ Sinegubov haber etti.
"Holodnogirsk ve Şevçenko rayonları ateş astında qaldı. Bir adam yaralandı, oña ekimler yardım kösterldi.Grajdanlıq infraterkibi zarar kördi", - dep bildirdi o.
Rusiye ordusı ukrayin şeerlerini ve köylerini muntazam şekilde ateşke tutalar. Delillerge baqmadan, Moskva büyük istilâ başlağanından berli vatandaşlarğa ücüm etkenini inkâr ete.
Birleşken Milletler oktâbrniñ 21-ne qadar Ukrayınada Rusiyeniñ büyük istilâsı neticesinde 10 biñ insannıñ ölümini ve 18500 insannıñ yaralanğanını tasdıqladı. Bu teşkilât qurbanlarnıñ kerçek sayısı daa yüksek, dep qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
