RF apishanelerinde 175 ukrayin siyasiy mabüsi tutula, olardan 117-si qırımtatardır, dep bildirdi Qırımtatar resurs merkeziniñ yolbaşçısı Eskender Bariyev.
Onıñ sözlerine köre, 2023 senesiniñ 6 ayı içinde 101 yaqalav qayd etilgen, olardan 66-sı tamır halqqa qarşı eken.
"Yüzlernen adam Memuriy davalar boyunca taqip etile, olar bir qaç künge tevqif etile, para cöremesine mahküm etile, afu soramağa mecbur etile. Yasaq etilgen mevzularnıñ, edebiyatnıñ, yırlarnıñ cedveli bar. İşğalciler Qırımğa mına böyle "demokratiyanı" ketirdiler", - dep qayd etti o.
Bariyevniñ bildirgeni kibi, 2015 senesinden başlap yarımadanıñ Rusiye reberligi qırımtatar halqınıñ timsallerini yasaq etmege tırışalar.
"Tek 2023 senesiniñ 6 ayı içinde 101 yaqalav qayd etildi, olardan 66-sı tamır halqqa qarşı. 37 tintüv keçirildi, olardar 29-ı qırımtatatrlarnıñ evinde. 140 tevqif qayd etildi, olardan 93-ü qırımtatarlarğa qarşı", - dep bildirdi o.
Evel "QırımSOS" uquq qoruyıcı teşkilâtı 2023 senesiniñ başından rusiyeliler eñ 11 qırımlı siyasiy mabüsni Rusiyege etap etkenini bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
