RF Milliy antiterroristik komissiyası Qırım köpründe yük maşnası patlatılğanını bildirdi. Bunı Aqyarnıñ Rusiye memuriyetiniñ yolbaşçısı Mihail Razvojayev haber etti.
"Bunıñ neticesinde trenniñ yedi yaqıt tsisternası yanın başladı. Köpürniñ eki araba közü dağıldı. Qırım köpründe naqliyat areketi qapatıldı", - dep yazdı o.
Qırımnıñ Rusiye yolbaşçısı Sergey Aksönov bildirdi ki, al-azırda o, "Qırım köpründe yanğınnıñ söndürilmesi işlerni koordinatsiya ete".
"Yanğın sözdürilgen soñ yañ yaqın vaqıtta ekspertiza keçirilecek ve qazanıñ neticeyelri belli olacaq. Şimdi ise er kesni tınçlanmağa ve yalan malümat tarqatmamağa çağıram. Vaziyet kontrol astındadır", - dedi o.
Patlav oktârniñ 8-nde saba saat 6-da yüz berdi. Yol ve yük treni ateş içinde, de p haber ete Kerch.fm. Bundan ğayrı yolnıñ bir parçası dağıldı.
"Qırım demiryolu" Federal devlet unitar şirketiniñ malümatına köre, yük treniniñ quyruğında yaqıt tsisternası patlağan. Sebepler daa belli degil. Yerli başlıqlarnıñ malümatına köre, naqliyat areketi toqtatılğan. Gemiler qatnavı Keriç boğazı üzerinden qapatılmapağa, arabalar içün paromlı keçit azırlanmaqta.
İşğal etilgen Qırımnıñ yolbaşçısınıñ mesleatçısı Oleg Krüçkov, yanğınnı sözdürmege tırışqanlarını bildirdi.
"Sebepler ve aqibetler aqqında bir şey aytmaq daa erte", -dedi o.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
