Kahovka suv elektrik stantsiyasınıñ yıqılması ve Şimal Qırım kanalınıñ saylaşması sebebinden Qırımnı suv ile temin etme strategiyası "deñiştirilecek", dep bildirdi Qırımnıñ Rusiye parlamentniiñ reberi Vladimir Konstantinov.
Rusiye haber vastalarına intervyü berir eken, o, "suv sistemasınıñ yahşılaştırıluvı, suv toplanması içün qoşma savutlarnıñ yaratılması, yerastı menbalarnıñ qullanıluvı" aqqında söz ketkenini ayttı.
Qırımnıñ Rusiye parlamentiniñ reberiniñ sözlerine köre strategiya artıq ömürge keçirile
İyünniñ 6-nda saba Rusiye Herson vilâyetinde Kahovka suv elektrik stantsiyasını patlattı, dep bildirdi Ukrayina arbiyleri.
Ukrayına prezidenti ofisiniñ yolbaşçısı Andriy Yermak Kahovka Kahovka suv elektrik stantsiyası bentiniñ bozuluvı Qırımnı içilgen suvsız qaldıra bile, dep bildirdi. Mesleatçısı Mıhaylo Podolâk patlatuvnı Rusiye Silâlı quvetleriniñ 205-inci motor atıcı brigadası yaptı, dep tahmin etti.
Ukrayina milliy telükesizlik ve mudafaa şurasınıñ kâtibi Oleksiy Danılov Kahovka Kahovka suv elektrik stantsiyasınıñ patlatıluvı «Rusiye istilâsınıñ yañı basamağı» ola, dep bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
