Ukrayina Mudafaa naziri Oleksiy Reznikov Ukrayinanıñ Poloniyadan tanklar alğanını tasdıqladı ve Ukrayinanıñ Silâlı Quvetlerini zemaneviy tanklarnen silâlandırıluvı aqqında añlaşa bilecegine ümüt etkenini bildirdi.
"Bu Poloniyadan kelgen tanklar, amma Poloniyadan yasalğan degil. Yani bu T sınfı tehnikası, sabıq Sovetler Birlgininde yasalğan tanklar demek mümkün. Poloniya ordusında hızmet ete ediler", - dedi o.
Ukrayin Mudafaa naziri Poloniyadvan kelgen tanklarnıñ sayısını bildirmedi, çünki "duşman bunı bundan evel degil, uruş meydanında bilmeli".
Bundan ğayrı o, Ukrayinanıñ zemaneviy tanklar alacağına ümüt etkenini bildirdi.
"İlk nevbette, "Leopard" tankları olğan ve olarnı bermege azır olğan bizge dost olğan memleketlerden başlaycaqmız. Planımız tank ekipajlarımıznıñ talimlerini keçirecegimiz bir qaç onlarnen tankqa saip olmaqtır. İhtimal Baltıq memleketlerinde. Tank ekipajlarımız azır olğan soñ Silâlı Quvetlerimizniñ zemaneviy tanklarnen silâlandırıluvı aqqında aytışmalarnı devam etecekmiz", - dedi nazir.
Reznikov qayd etti ki, söz yalıñız Leopardlar aqqında degil, aynı zamanda Abrams amerika tankları aqqında da.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrayinalılarnıñ tirenüvi sebebinden Kıyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
