Ukrayina Mudafaa nazirligi Baykar Makina zavodından daa onlarnen "Bayraktar" operativ-taktik seviyeli uçucısız cihaznı satın almağa planlaştıra. Bunı Ukrayina Mudafaa naziri Oleksiy Reznikov haber etti.
"Ukrayinanıñ bayraktarlarnıñ satın alınması ile bağlı planları büyüktir. Tek fervlniñ 24-nden Mudafaa nazirligi ordumıznı 50-ge qadar "uçaqnen" temin etti. Daa bir qaç dane aqqında anlaştıq ve parasını artıq ödedik, olarnı iyül ayında bekleymiz. Silâlı Quvetlerniñ komandanlığından yañı talap aldıq. Böylece yaqında Baykar Makina zavodınıñ aman bütün qudreti bizim içün çalışacaq. Söz daa onlarnen uçucısız cihazlar aqqındadır", - dep yazdı Reznikov Facebook saifesinde.
Evel BAYKAR şirketi, ukrayinlerniñ para toplağan 3 "Bayraktar" pilotsız uçaqnı bedava berecegini bildirdi.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
